x

Ако користите некоја од овие 20 лозинки, веднаш сменете ја

Категорија: Совети Објавено на 25 Февруари, 2021 од GSM.mk

Досега веројатно веќе сте запознаени со вообичаените совети за лозинките што ги користите на интернет.

Препорачливо е да избегнувате броеви во низа, своето име и да ја користите истата лозинка за повеќе профили, но многумина сè уште ги игнорираат овие едноставни совети и се изненадени кога некој ќе им го хакира профилот.

Според извештајот на Verizon од 2017 година, околу 81 процент од пробиените лозинки се поврзани со слаба безбедност и јачина на лозинката, а со зголемувањето на обемот на работењето од дома, како и учењето преку интернет за време на пандемијата, ова е лоша навика што мора да ја победите, за безбедност на вашите податоци.

Од ID Agent, компанија за надзор на темната мрежа (dark web) во сопственост на IT софтверската компанија Kaseya, велат дека ги идентификувале лозинките што најчесто се пробиени и завршиле на продажба на темната мрежа во 2020 година врз основа на скенирање на скоро 3 милиони лозинки.

Педесет и девет проценти од Американците користат име или роденден на некоја личност во лозинките, додека 33% вклучуваат име на домашно милениче и 22% го користат сопственото име, соопшти компанијата. Просечниот корисник исто така одново ја употребил својата лоша лозинка 14 пати.

Ова се 20-те најчести лоши лозинки што треба да се избегнуваат по секоја цена:

123456

password

12345678

12341234

1asdasdasdasd

Qwerty123

Password1

123456789

Qwerty1

: 12345678secret

Abc123

111111

stratfor

lemonfish

sunshine

123123123

1234567890

Password123

123123

1234567

Некои од советите вклучуваат:

  • Избегнувајте употреба на имиња
  • Измешајте ги броевите за да не бидат во низа
  • Креирајте посебна лозинка за секој профил
  • Користете алатка за управување со лозинките (бидејќи никој не може да запомни сè, со оглед на бројот на профили што денеска ги имаме онлајн).

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.