x

Апликацијата Photomath сега решава и рачно напишани математички задачи

Категорија: Занимливости Објавено на 08 Ноември, 2018 од GSM.mk

Професорите по математика имаат уште еден проблем во чувањето на учениците кога решаваат тестови – најновото надоградување на апликацијата Photomath.

Оваа апликација решава сложени математички проблеми со користење на камерата на смартфонот. Новитетот е што отсега Photomath ќе може освен печатен текст да чита и математички задачи напишани во ракопис, објави TechCrunch.

Photomath во 2014 година се најде во финалето на Startup Battlefield at Disrupt Europe, и оттогаш е симната повеќе од 36 милиони пати на Android и iOS и се смета за една од петте најдобри образовни апликации во САД.

Со надоградувањето, Photomath + ги решава математичките проблеми како човек, водејќи го корисникот низ проблемот со корисни совети, чекор по чекор.

Photomath + ќе може бесплатно да се симнува до 30 ноември, а потоа ќе се користи со плаќање.

Уште не се знае цената, но креаторот вели дека основните услуги на апликацијата, како решавањето на математички проблеми со помош на камерата ќе останат бесплатни засекогаш.

Измените и подобрувањата засега се достапни само за iOS, но до крајот на месецот ажурираната верзија на апликацијата ќе може да ја користат и корисниците на Android уреди.

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.