x

Apple казнет бидејќи продава смартфони iPhone без полначи

Категорија: Технологија // Новости Објавено на 25 Март, 2021 од GSM.mk

Кога ја претстави серијата iPhone 12 минатата година, Apple непријатно изненади многу корисници со одлуката да ги отстрани полначите и слушалките од пакувањето.

Додека американскиот технолошки гигант се оправдува со еколошки причини за ваквиот потег, не е ни чудо што повеќето луѓе не го гледаат ова како оправдан потег, а Бразилците отидоа чекор подалеку.

Бразилската агенција за заштита на потрошувачи во Сао Паоло (Procon-SP) неодамна го казни Apple со 2 милиони долари бидејќи не доставил полначи во пакувањата. Според организацијата, „Apple учествувал во лажно рекламирање и продажба на уреди без полначи под нефер услови“.


На крајот на минатата година, Apple навистина објавија дека нивните уреди ќе доаѓаат без полнач, меѓутоа, кога од Procon-SP беа прашани дали тоа значи дека телефоните ќе бидат поевтини, тие не добија никаков одговор, пренесува порталот 9to5Mac.

Тие исто така го обвинија Apple дека не обезбедува доволно квалитетна поддршка за корисниците „кои имаа проблеми по ажурирањето на софтверот“ и тврдат дека американската компанија мора да ги почитува регулативите и законите, како што прават сите други компании.


Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.