x

Часовниците на Apple од по 10.000 долари не го добиваат новиот оперативен систем

Категорија: Софтвер // iOS Објавено на 08 Јуни, 2018 од GSM.mk

Оние кои се сопственици на некои од првите производи на Apple, наскоро би можеле да доживеат непријатно изненадување, а станува збор за првата генерација на Apple Watch.

Имено, новиот оперативен систем за часовниците на компанијата Apple, watchOS 5, нуди низа на нови опции, но нема да функционира во рамките на првата генерација на паметните часовници на оваа компанија.

Тоа значи дека моделите за кои се издвојуваше по 10.000 долари сега се потполно безвредни, односно дека нема да ги добијат новите опции.

Иако првата генерација се појави пред три години, изненадувачки е фактот што Apple толку бргу ја укинува поддршката, а посебно ако знаеме дека станува збор за модели кои чинат и по неколку илјади евра.

Првата генерација и понатаму ќе функционира во рамките на WatchOS 4 оперативниот систем, но се очекуваше Apple да понуди подобра поддршка за поскапите модели, и да им излезе во пресрет на клиентите кои за своите уреди издвојуваат прилично големи суми на пари.

Љубителите на паметни часовници и понатаму се надеваат дека Apple наскоро ќе понуди некој вид на поддршка и за првата генерација на часовниците од оваа компанија, или дека ќе им понуди попуст на оние кои за своите први часовници платиле по неколку илјади долари.

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.