x

Facebook се соочува со обвиненија и поради технологијата за препознавање на лица

Категорија: Технологија // Новости Објавено на 22 Април, 2018 од GSM.mk

Facebook се соочува со обвиненија на судот во Калифорнија поради технологијата за препознавање на лица. Во обвинението стои дека Facebook собирал биометриски информации без согласност од страна на корисниците.

Ова ја вклучува опцијата за предлог за „Tags“ (Означување пријател на фотографијата), која автоматски го воочува лицето на пријателот кој се наоѓа на фотографијата, што претставува кршење на законите во сојузната американска држава Илиноис.

Од Facebook соопштија дека енергично ќе се борат, бидејќи според нив нема никаква основа за тужба.

Тужбата е поднесена од страна на група на луѓе и сите тие бараат компензација.

Опцијата која нуди предлог за означување на личност на фотографијата е во функција уште од јуни 2011 година, а се базира на објавените податоци околу лицето на корисникот.

„Ако никогаш не сте биле означени на фотографија или сте ја отстраниле ознаката од сите фотографии, тогаш Facebook ја нема таа информација за вас“, соопштија од оваа компанија.

Опцијата предлог за означување не е дозволена во сите земји, а меѓу нив е и Велика Британија.

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.