x

Произведувачите на вакцини мета на хакерски напади од Русија и Северна Кореја

Категорија: Технологија // Новости Објавено на 19 Ноември, 2020 од GSM.mk

Од Microsoft тврдат дека произведувачите кои работат на развој на вакцина против коронавирус беа мета на хакерски напади од Русија и Северна Кореја.

Како што наведоа, нападнати се седум водечки фармацевтски компании и истражувачки центри во САД, Канада, Франција, Индија и Јужна Кореја.

„Нападнати се компании кои развиваат вакцина против коронавирус и кои се во различни фази од тестирањето на вакцината“, вели Том Бурт, потпретседател на одделението за безбедност и доверливост на Microsoft.

Тие не наведоа кои компании се нападнати и дали од нив се украдени доверливи податоци.

Microsoft им понуди помош на компаниите и нагласи дека повеќето напади се блокирани. Хакерите користеле различни методи за напади, пишува The Verge.


Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.