x

Тинејџер ги хакирал Twitter профилите на Безос, Маск и Гејтс

Категорија: Технологија // Новости Објавено на 06 Август, 2020 од GSM.mk

Седумнаесетгодишниот Грем Кларк од Тампа, Флорида е обвинет дека хакирал повеќе Тwitter профили, помеѓу кои и на најбогатиот човек во светот Џеф Безос, сопственикот на Tesla, Елон Маск и основачот на Microsoft, Бил Гејтс.

Кларк се товари по 30 точки од обвинението за измама на повеќе луѓе ширум САД поврзани со хакирањето на Тwitter налозите на познати и моќни Американци на 15 јули.

Според обвинението Кларк имал намера да ги украде идентитетите на познатите личности, за да ги наведе жртвите да му испратат биткоини. За само еден ден на Кларк му се уплатени биткоини во вредност поголема од 100.000 долари.

На мета на Кларк беше и поранешниот американски претседател Барак Обама, како и претседателскиот кандидат на демократите, Џо Бајден и Мајкл Блумберг.

Државното обвинителство ќе го процесира Кларк како полнолетен, бидејќи законот во Флорида овозможува малолетни лица да бидаат обвинети како возрасни во случај на финансиски измами.

Уште двајца мажи се обвинети пред сојузниот суд во Калифорнија за стекнување на корист од хакирање.

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.