x

Apple наскоро ќе го претстави нискобуџетниот iPhone

Категорија: Новости // Телефони Објавено на 24 Јануари, 2020 од GSM.mk

Аpple е подготвен да се врати на пазарот на нискобуџетни смартфони по паузата од четири години.

Apple планира да започне со производство на нискобуџетниот iPhone во февруари, но официјално ќе го претстави во март оваа година, пишува CNET.

Apple на пазарот се враќа по долга пауза, претходниот модел којшто беше поевтин од другите беше iPhone SE кој чинеше 399 долари.

Во септември минатата година јапонскиот весник Nikkei објави дека новиот iPhone ќе има поевтин LCD за да има пониска цена, но ќе има други компоненти кои се користат за производство на стандардните смартфони на Apple.

Apple се одлучи на овој чекор за да повторно ги придобие купувачите.

Продажбата на Apple во четвртиот квартал опадна за 10%, што значи дека компанијата беше во загуба околу 33 милијарди долари.

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.