x

Dark web: Што нуди темната страна на интернетот и како се пристапува до неа?

Категорија: Занимливости Објавено на 14 Ноември, 2018 од GSM.mk

Dark web е буквално подземјето на интернетот. Тоа е таен свет кој најчесто го користат криминалци за да купуваат, продаваат и дистрибуираат дрога, оружје, секс и било која друга нелегална работа на која можете да се сетите.

„Всушност, dark web е E-Bay за подземниот свет“, пишува BuzzFeed во нивната сторија за морничавите работи кои се случуваат на dark web.

Кога еднаш ќе влезете на темната страна на интернетот ќе се шокирате од сето она што таму се продава и купува – освен доколку и самите не сте во потрага по нешто нелегално. Голем дел од луѓето никогаш нема да се осмели да го посети dark web-от, затоа што веројатно и самите не се подготвени за работите кои демнат таму.

„Мрачниот интернет“ не е мрачен на изглед – лесно е да се пребарува, сортиран е беспрекорно и нема да фатите компјутерски вирус ако го посетите. Оваа страна на интернетот е наменета за сите оние луѓе кои сакаат нешто, но не се подготвени да го побараат тоа во вистинскиот живот, или пак тоа нешто е нелегално, на повеќе или помалку опасен начин.

На dark web се тргува само и само со криптовалути – тоа е единствениот начин да се купи, резервира или изнајми нешто. Таму не постојат класични начини на купување кои оставаат траги преку трансакциски сметки. Доставата на домашна адреса е можно да се изведе, но само трагите за содржината на пакетот можат целосно да се сокријат – неговото постоење, сензори и мирис.

До пристап до dark web се доаѓа многу лесно, исто како и на обичниот интернет, но не може да се стигне таму преку конвенционалните прелистувачи како Chrome или Safari. Секако, нема да ви го кажеме начинот на кој можете да пристапите до dark web – тоа ќе морате да го откриете самите.

Кога ќе стигнете до пристап на dark web, можете да купите скоро сѐ што ќе посакате. Дрогите се најпопуларни а ги има во секаков облик: екстази, марихуана, опијати, психоделични супстанци, ЛСД, халуциногени печурки, МДМА и многу, многу повеќе. Исто така можете да купите оружје, стероиди, клонирани VISA картички, фалсификувани броеви од социјално осигурување и можете да добиете многу нелегални услуги. Порнографијата и сексот се придружен дел од dark web, но таму можете да најдете и ситни нелегални работи како пиратерија на книги, видеоигри, филмови, гардероба и слично.


Заклучокот на екипата од YouTube каналот на BuzzFeed е дека темната страна на интернетот е премногу лесно достапна, што е загрижувачки бидејчи ако пристапот до нелегални работи е толку лесен, тогаш сигурно постои и уште потајна страна на интернетот каде се продаваат човечки органи, се планираат терористички напади и се тргува со робови.

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.