x

Фотографии од Google Pixel 4 XL: iPhone 11 дизајн со голем дисплеј!

Категорија: Новости // Телефони Објавено на 21 Јули, 2019 од GSM.mk

Веќе видовме неколку слики од Pixel 4 и 4 XL, а се запознавме и со спецификациите на уредите. Овој пат, самата компанија реши да сподели неколку официјални фотографии од дизајнот на поголемиот од нив - Pixel 4 XL:

Најпрво, на фотографиите се забележува дека Pixel 4 XL ќе доаѓа со многу камери. Само на предната страна не очекуваат две камери, додека на задниот дел ќе има систем од три камери. 


Додека спецификациите на предните сензори сеуште не се познати, знаеме дека системот на задната страна ќе биде составен од 12 мегапикселна главна камера, придружена од 16 мегапикселна камера. Третиот сензор ќе биде наменет за подобри фотографии при ниска светлина и истовремено ќе го овозможува bokeh ефектот. Google истотака ќе користи нова технологија, слична на онаа на Apple, која опфаќа 25% поширок спектар на бои од обичниот систем кај другите смартфони.

Case render for the Google Pixel 4 XL - Google Pixel 4 XL case renders leak

Дисплејот ќе биде со резолуција од 1440 x 3040 пиксели и ќе има висок, 19:9, тело-дисплеј сооднос. Како за споредба, резолуцијата на Pixel 3 од 1080 x 2160 пиксели нуди 18:9 сооднос, додека резолуцијата од 1440 x 2960 пиксели кај Pixel 3 XL има сооднос од 18.5:9.

Уште една интересна промена е во внатрешноста на уредот. Досега, Pixel уредите имаа само 4GB RAM, а почнувајќи од Pixel 4 па нагоре, моделите ќе доаѓаат со најмалку 6GB RAM и 128GB меморија. Процесорот ќе биде Snapdragon 855+.

Case render for the Pixel 4 XL - Google Pixel 4 XL case renders leak


Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.