x

Илон Маск го запали Twitter откако побара да се нападне Марс

Категорија: Занимливости Објавено на 17 Август, 2019 од GSM.mk

Два збора од профилот на Маск беа доволни да го крене се нозе цел Twitter: „Nuke Mars!“ и повторно да стане актуелна темата за тераформирање на Црвената планета.

Контроверзниот Илон Маск одново се јави со неговата веќе позната идеја, да се „нападне“ Марс со нуклеарки. Не за да се уништи Црвената планета, туку идејата на Маск е со термонуклеарно оружје да се бомбардираат двата пола на Марс за да отпочне процес на тераформирање, неопходен за идна колонизација.

Преку таков „напад“ на Марс би се ослободил заробениот јаглероден диоксид на планетата со што би создал ефект на стаклена градина кој би чувал вода на површината недозволувајќи ѝ да замрзне или да испари. Но, како што НАСА објави, има еден мал проблем за тоа да се реазилира.

„Резултатите од нашето истражување покажаа дека нема доволно јаглероден диоксид на Марс за да направи значајно затоплување преку стаклена градина. Поголемиот дел од гасот се наоѓа на места кои се скоро недостапни. Според тоа, тераформирањето со денешната технологија е невозможно“, рече Брус Џејкоски од Колоради Универзитетот кој го водел истражувањето.

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.