x

Познато кога се очекуваат MacBook Pro лаптопите со новиот M2 чип

Категорија: Технологија // Новости Објавено на 27 Јули, 2022 од GSM.mk

Помалку од една година откако беа објавени 14-инчните и 16-инчните MacBook Pro лаптопите, Apple наводно планира да ги надгради уредите уште оваа есен.

Аналитичарот Марк Гурман истакнува дека Apple веќе работи на M2 верзиите на лаптопите MacBook Pro од 14 и 16 инчи. Според него, дизајнот и карактеристиките на двата лаптопи ќе останат во голема мера непроменети.

Apple веќе ја редизајнираше линијата минатата година, кога беа додадени MagSafe полнење, повеќе порти и поголеми екрани. Главната промена во новите модели ќе биде додавањето на M2 верзии на актуелните M1 Pro и M1 Max чипови.

Гурман истакнува дека голем дел од фокусот на новите чипови ќе биде на графичките перформанси. Кога станува збор за MacBook Air 2022 година, графичките перформанси ќе бидат околу 35 проценти побрзи, на лаптопите со 10 јадра на графичкиот процесор.

Иако Apple се надева дека ќе ги претстави новите MacBook Pro лаптопи во пролетта оваа година, Гурман посочува дека компанијата би можела да ги одложи и до пролетта 2023 година. Ова ќе зависи од ситуацијата со синџирот на снабдување на пазарот.



Извор: Кајгана.мк

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.