x

Прв поглед на новиот LG G8 ThinQ

Категорија: Новости // Телефони Објавено на 17 Февруари, 2019 од GSM.mk

Кога LG официјално ќе го претстави новиот G8 ThinQ, нема да изненади никого со дизајнот бидејќи познатиот инсајдер од телефонската индустрија, Еван Блас, веќе објави неколку фотографии од него.

Фотографиите на Еван Блас го покажуваат изгледот на телефонот од секој агол, а тие доаѓаат неколку недели пред официјалниот датум за промоција.

Иако LG не потврди дека фотографиите се автентични, ниту пак објави детали за него, од претходните искуства знаеме дека Еван Блас ретко греши и поради тоа решаваме да му веруваме нему и на неговите фотографии.


View image on Twitter

Минатата недела LG потврди дека телефон со името G8 ThinQ ќе се појави на пазарот годинава и веројатно ќе биде претставен на публиката на Mobile World Congress во Барселона на крајот од овој месец.

Од компанијата објавија дека уредот ќе биде опремен со 3D длабочинска камера која ќе му овозможи на корисникот да го отклучува телефонот со неговото лице, па веројатно поради тоа на предниот дел од телефонот може да се забележи камера со три леќи вперена кон корисникот.

Извор: kajgana.com

Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.